الشروط والأحكام

بمجرد ما تعمل طلب على Digital To You يبقى إنت موافق على الشروط دي.

1. المنتجات والتسليم

• إحنا بنبيع اشتراكات وحسابات وأكواد رقمية. صفحة كل منتج مكتوب فيها مدته وطريقة تسليمه وضمانه.
• التسليم أوتوماتيك أو يدوي حسب المنتج، وغالباً خلال دقايق، وبالكتير خلال ساعات العمل.
• في المنتجات اللي بتتفعّل على حسابك، إنت المسؤول إن البيانات اللي بتكتبها تبقى صح. لو اتكتبت غلط ممكن الاشتراك يتفعّل في مكان تاني.

2. الضمان والاسترجاع

• الضمان ساري طول المدة المكتوبة في صفحة المنتج، طول ما الشروط دي متطبّقة.
• لو ماقدرناش نسلّم الطلب أو نحل مشكلة فيه، المبلغ (أو الجزء اللي مااستخدمتوش) بيرجع لمحفظتك على الموقع.
• الضمان بيسقط لو غيّرت إيميل أو باسورد أو 2FA أكونت متقالك ماتغيّرهوش، أو لو أسأت استخدام المنتج.

3. الممنوعات

• تحويلات أو صور دفع مزيّفة أو متعدّلة، أو أي نصب في الدفع، أو إنك تنكر الدفع بعد ما تستلم.
• مشاركة أو إعادة بيع أي منتج، أو استخدامه على أجهزة أكتر من المسموح، من غير إذننا.
• تغيير بيانات أكونت مستلمه مننا لو التعليمات بتقول ماتغيّرهاش، أو قفل الأكونت على حد تاني.
• استغلال أكواد الخصم أو مكافآت الإحالة، أو عمل أكتر من حساب عشان تلف على أي حد.

4. الخصوصية

• بنستخدم بياناتك بس عشان ننفّذ طلباتك ونسلّمها. بيانات الحسابات اللي بتدّيهالنا للتفعيل بتتخزّن مشفّرة وبتتمسح بعد التسليم.

5. التعديلات

• ممكن نحدّث الشروط دي في أي وقت، وآخر نسخة موجودة دايماً في الصفحة دي.

عندك سؤال؟ كلّمنا على واتساب أو افتح تيكت من حسابك.